Ditto Dissonance (Boys' Love)

Prologue

Prologue: Ditto

#DittoDissonanceWP

Warning: Please be advised that this story may contain words that are not suitable for everyone. Cussing, too liberated words, or it may also contain slurs to emphasize some scenes but doesn't intend to offend anyone and is only used in a fictitious manner. thank you ^v^

Note: This story is a slow burn romance, and a red flag to green flag character. You need your LONG patience as you read this story..

・゜゜・・゜゜・．.・゜゜・・゜゜・．

[REVISED VERSION: MAY 2024]

.・゜゜・・゜゜・．.・゜゜・・゜゜・．

Zern's Point of View (❁ᴗ͈ˬᴗ͈)

Putangina. Shet naman.

Bukas na pala ako lilipat sa dorm. Wala ako sa mood para lumipat! Ang bigat ng mga gamit ko. Walang silbi 'tong biceps ko kung bading naman ako. Dapat sa akin inaalalayan ng lalaking may malaking biceps since I'm a soft and weak girl pa naman.

"Zern, handa na 'yung pagkain. Kain na tayo, 'nak. . . " sabi ni Mama na kabubukas lang ng pinto ko.

Bumuntonghininga ako at nagtaklob ng kumot. Tinatamad ako bumangon! Aayain na naman ako magsimba nina Mama para raw may gabay ako ngayong semester.

Tinanggal ni Mama ang pagkakataklob sa akin ng kumot. Ngumiti siya sa akin nang malambot at hinawi ang buhok na nakaharang sa mukha ko.

"Kain na tayo, Zern. Mamaya maglilipat ka pa ng gamit mo. Ikaw kasi, binalik mo pa lahat ng gamit mo dito last sem mo. Tutulungan ka naman ng kuya mo," aniya at tinapik-tapik ang tiyan ko.

"Ayaw ko pa mag-aral, Ma. Naiiyak na ako agad sa dami ng plates na dapat asikasuhin ngayong sem. Pero sige, mag-aaral pa rin ako nang mabuti kasi gagawan ko kayo ng bahay ni Papa. . ." sabi ko at sumimangot.

Mahinang natawa si Mama. "Ang gwapo-gwapo mo, anak. Ang kinis ng balat! Panigurado may bago kang makikitang pogi ro'n. Ayaw mo ba ng pogi?" Tinaasan niya ako ng kilay.

I hissed and rolled my eyes. "Syempre, gusto! 'Yon na nga lang motivation ko kapag nase-stress ako sa school. At saka gusto mo lang bumangon ako, e!"

Humalakhak siya. "Tara na, 'nak! Nagluto ako ng paborito mong hotdog. Alam kong hindi ka papakabog sa kainan ng hotdog," aniya at pinalo ako sa tiyan.

Tumayo na siya habang tumatawa pa rin. Iniwanan na niya ako ro'ng nakasimangot. Si Mama ang aga mang-asar! Pero parehas sila ni Papa na suportado sa akin sa sexuality ko. Si Kuya naman ang nagbibilin sa akin na mag-ingat sa mga lalaki, kabisado na raw niya ang mga galawan.

Nakikinig na lang ako dahil hindi niya ako bibigyan ng pera kapag hindi. Bilang isang alipin ng pera, syempre go ako diyan. Kahit alam ko naman na rin talaga ang galawan ng mga lalaki. Ako pa ba?

Nag-CR lang ako saglit bago bumaba. Nadatnan ko na silang naghahanda sa hapagkainan. Si Papa pala ang nagtuloy ng niluluto ni Mama habang inaaya niya akong kumain. Si Kuya naman ay inaayos ang kotse niya dahil tutulungan niya ako maglipat mamaya.

"Kain na tayo, 'nak." Si Papa na kalalapag lang ng isang plato ng hotdog sa lamesa.

"Good morning, Papa," sabi ko at hinalikan siya sa pisngi.

"Ano ba 'to, feeling dalaga!" pabirong sabi ni Papa.

I hissed. "Sus! No'ng nalaman mo ngang bading ako no'ng high school ikaw pa nagbili sa akin ng lip tint para mag-sorry kasi nagalit ka no'ng umamin ako. Hindi ko naman nagamit."