My Husband is a Mafia Boss (Season 3)

Chapter 3

Aemie's PoV

Dahan-dahan akong naglakad paakyat sa kwarto ni Trigger at kumatok.

"Morning, Mom," sabi niya pagkabukas ng pinto. Alam ko namang morning ngayon, pinamumukha niya pa sa 'kin. Ito talagang mga anak namin ni Zeke, manang-mana kay Zeke.

"Ahm, Trigger, pwede bang makitext?"

Kumunot 'yong noo niya pero iniabot din niya sa 'kin ang cellphone niya.

"Kuhanin mo na lang sa 'kin mamaya bago ka pumasok sa opisina," sabi ko sa kanya. Wala naman akong balak talagang makitext eh. Gusto ko lang kuhanin dito sa phone niya ang number ni Mikazuki.

Mabilis akong naglakad papunta sa kwarto ni Princess Caliyah para doon pakialaman ang cellphone ni Trigger.

"Nawindang naman ang akis! Akala ko kung sino!" Nginitian ko si Princess Caliyah na nakaharap sa salamin at nagsusuot ng business attire. Lahat kasi sila ay papasok sa kani-kanilang opisina ngayon para magtrabaho. Umupo ako sa kama niya saka dinukot ang phone ko sa bulsa. "Kaninobels 'yan, Mother Rainbow?"

Ayun! Sabi na at may number siya ni Mikazuki eh.

"Mother?!"

Tumingin ako kay Caliyah na nakapamaywang sa 'kin.

"Sa kuya mo. Hinanap ko kasi ang number ni Mikazuki," natatawa kong sabi.

"Bet na bet mo 'yang kapartner ni Kuya sa Roswell Corporation Mommy 'no?"

"Para kasing ang bait niya 'di ba?" sagot ko.

"Mom, are you there?"

Sabay kaming lumingon ni Princess Caliyah sa pinto nang marinig namin ang boses ni Katana. Nakapagtataka dahil hindi naman ugali ni Katana na hanapin ako.

Lumapit si Caliyah at pinagbuksan ng pinto si Katana.

"Oh bakit?" tanong ni Caliyah sa kanya.

"Mom, can I borrow Kuya's phone?" tanong niya sa 'kin. Buti at nakuha ko na ang number ni Mikazuki.

"Tsk tsk tsk. Just as I thought. Gusto ring maka-close ni Katana si Mikazuki. Ano bang meron kay Mikazuki? She's just an ordinary woman!"

"No, there's something about her, which I can't explain." Napatingin ako kay Katana. Talaga? Anong something kaya ang sinasabi niya? Parang wala naman akong nararamdamang something. Magaan lang talaga ang loob ko kay Mikazuki. "And besides, she's brainy. I think I could ask for some advice in managing Heartilys."

Nakakatuwa naman! Hindi na magsosolo lagi si Katana. "Gusto ko 'yang naisip mo, Katana."

"See? Mom agreed."

Iniabot ko sa kanya ang cellphone ni Trigger at itinuro ang number ni Mikazuki. "Ito ang number ni Mikazuki. yayayain ko nga sana siya ngayon. Gusto mo bang sumama?"

"Mom, I'd love to, but I still have loads of things to do in my office," malungkot na sagot niya.

"Gano'n ba? Sayang naman. Kami na lang muna. Isasama kong lang din siya rito sa bahay kapag pwede siya."

Kailangan lang na makatakas ako kay Zeke mamaya kapag hinatid niya ako sa ospital.

Angelique Birkin's PoV

"Magaling kung gano'n. Bantayan mong mabuti ang kilos nilang dalawa. Lalong-lalo na 'yang si Mikazuki." Manang-mana talaga sila sa mga ama nila.

[Yes, Ma'am.]

In-end ko na ang tawag and calm myself.

"May ginawa na naman bang kalokohan si Mikazuki?" Louie handed me a glass of wine.